آخر الأخبار

شعر بعنوان(راحة البال والفلوس)

شعر بعنوان(راحة البال والفلوس)

سامح الشناوي

معدش فيه أي احتمال
ولا حتى عندي طولة بال
الهموم على كتفي جبال
ومين هيحس بيا

عمري ماكنت خالي البال
والفكر على طول شغال
عشمان في الراحه ياخال
ومين هيهون عليا

جنة الدنيا مش دايما
والبعد عنها نعمه
كل يوم بنزل الف دمعه
نفسي في راحة بال

فلوس وعيشه وفخفخه
دنيا مرتاحه ونعنشه
وضحك وهزار وفرفشه
وآخر اليوم بغني موال

المرض جوايا أشكال وألوان
طبيب محرج عليا أكل بتنجان
عايش على الدوا والكوتيفان
ومحروم من كل حاجه
تخطر على البال

ايه فايدة الدنيا والفلوس
ياما بتغير نفوس
والغلبان عليه بندوس
والكرباج في أيدي
ولا اجدعها خيال

وآخر اليوم تمسكني الهموم
كام من فقير معايا مظلوم
وايد مش طايله ويعني محروم
وانا عندي كنوز تعدي جبال

نفسي اشترى راحة البال
ولو هأعيش شحات وارعي جمال
خزو كل ما أملك واعطوني
راحة العقل والبال

نبذة عن الكاتب

مقالات ذات صله