آخر الأخبار

مسيحي_ومسلم_إيد_وحدة

مسيحي_ومسلم_إيد_وحدة

الشاعر – عبد الله العالكي
جاين وناوين علينا دمار
يوم العيد
يبقي إنفجار
عايزين يقيدو مابينا نار
ونقوم ونمسك في بعضينا
ومحمد يقتل في مينا
وهما يتفرجو علينا
ويقولو أهوما الإخوات
إحرق جوامع
إحرق كنايس
وشوف اللي عاش
من اللي مات
مهما تعمل ياخسيس
في الأساس إحنا إخوات
هما شايلين المصاحف
وإحنا شايلين الصليب
ومينا بس ولا حالف
يجي معايا علي الغريب
وأن هنبقي إيد وحدة
الهلال مع الصليب
وأن هنكسر أي واحد
يفكر يجي علي حد فينا
وإن لو حد جِه
يبقي أكيد جِه علينا
ومن أذانا مش هيسلم
ماهو مافيش فرق بين مسيحي ومسلم
واللي مات في قلب الكنيسة
ده كفاية مات شهيد
وإن جنازتو في العلالي
أيوة جنازتو ياما عيد
ياأم مينا
وياأم حنا
بيقتلونا في كل مكان
ياتري مين اللي باعنا
وياتري مين اللي خان
مش هنفقد يوم أملنا
وهنرجع نقول من تاني
مافيش ياأم حنا فرق
بين مسلم ونصراني

نبذة عن الكاتب

مقالات ذات صله