آخر الأخبار

شعربعنوان (عايز أتكلم)

شعربعنوان (عايز أتكلم)

سامح الشناوي

انا واحد من الناس
عايز أقول واتكلم

معدتش فيه اخلاص
وكلنا بنتألم

ادينا عايشين وخلاص
والخسيس ييتحكم

اسعار بتغلى يوم عن يوم
واحنا ولا بنتكلم

الشغله علي قد الحال
كفاية راحة البال

بس لما الاقيش اللقمه
لازم اعمل ياناس موال

زوجه واربع عيال
طلباتهم كتير ياخال

كل يوم هات هات هات
وكلام كتير ما بيتقال

المهيه يدوب علي الأد
ما تكفيش ياناس حد

نفسهم ياكلو فراخ وبط
وانا مقضيها صد ورد

قلت ما اروح السوق
نفسي راحت علي البرقوق
بصيت علي سعره
لقيته غالي وطالعلي لفوق
رجعت حزين وكمان مخنوق
ياريتني كنت شميته
ما انا مش عارف
ياناس أدوق

رايح شغلي الصبحيه
نفسي هفت علي الطعميه
قلت اما اجيبلي بقرشين
بصلي وعوج الطاقيه
قالي الواحده بنص
وشوية ملح كمان هديه
نفسي انسدت اوام في ثانيه
قلت هات ملح بس
عشان أغمس بيه
طردني وقام شخط فيا

شغل ١٢ساعه وقلت ماشي
مرتب قليل مايجراشي
طول النهار داير في ساقيه
عامل ياناس زي المواشي

اروح البيت العيال
يجرو عليا
بابا جه باباجه
وجاب معاه عسليه
احط ايدي في جيبي
الاقي تزكره وحبة
اوراق منسيه

كل يوم الحزن مالكني
من نار العيشه
ولا حد راحمني
والعيال كمان خانقني
لا عارف اعيشهم
ولا عارف أعيش نفسي

حسو بينا خلاص اكتفينا
والصبر مل وخلاص فض بينا
بقينا نكلم يا ناس نفسينا
قالو علينا مجانين
ولا حد سائل فينا

بدعي وأقول يارب سلم
أنت حاسس بيا
قبل ما اتكلم
أرفع عنا البلاء
انا متألم
مصر مذكور في القرأن
الخير فيها معمم

نفسي ياناس أتكلم

نبذة عن الكاتب

مقالات ذات صله