كان زمان

كان زمان

 

بقلم – ابتسام رحمة
ورجعتلى تقول سماح
ونسيت اوام كل الجراح
فاكر حبيبى كنا ايه
فاكر زمان ولا عايزنى افكرك
أول ما قلبك حبنى
قلت خلاص الفرح جاني
وها أعيش يا شوق خلاص حياتي
والسعد جاى ومعاه الهنا
عديت يدوب أول سنة
ما بين عتاب وساعات خصام
والجرح جالنا وقال سلام
والدمعة قالت عايز بكام
وكل ده كله كان وليه
والحب راح ما بينا فين
ولا الحكاية يدوب يومين
والحزن باقي عمرنا
على أيه أعيش وجع سنين
والحب راح ولا يوم رجع
والقلب زاده الوجع
والعشق راحت دنيته
بعد ما كنا قلب واحد
نصه عندي والتاني عنده
قلبي كان يشتاق يقابله
القي غرامه يقول حياتي
يدق قلبي بالساعات
ولا تغمض يوم عينيا
إلا وقلبي في حضن هواه
بس ده كله كان زمان
راح اللي راح
ولا عاد ما بينا إلا الجراح
معرفشى ليه قلبك ناداني
عدى خلاص وقت السماح
لا حب بينا ولا عتاب
والعشق أصبح ذكريات
حب قديم وراح وفات
لا عمري أنساه ولا أنكره
ولا يوم ارضي احن له
لكنه عايش بين حنيني
وحب عمره ما ينتهي

نبذة عن الكاتب

مقالات ذات صله