آخر الأخبار

شُفت بعينى

شُفت بعينى

..للشاعر سمير احمد القط
شُفت بعينى ماحدش قالى
افهم يابنى اوعى يااخينا
اللى بيسرق فينا تَمَلىِ
واللى بظلمة كان يسقينا
واللى ناهب رزق اولادى
واللى بيقتل شبابنا فى سينا
واللى بيصرخ قال بالحق
وهو حرامى وابن لذينا
واللى ينادى الفقراء لأ
عامل فيها ابن ’ لوبينا ’
واللى بيصرخ تحت القُبه
دحنا غرقنا وحل و طينا
واللى بيلهف ارض القوت
لجل مايبنى قصور بمارينا
واللى بيعمل حزب صَمُوت
دوغرى بيركن جنب أخينا
واللى نافخ كرشه وحوت
بالع حق وناهب فيـــنا
واللى بيظهر قال ع الشاشة
دافع مبلغ لجل يجينا
واللى بينهب ارض بلاش
بإمضه خسيسة لخاين لينا
واللى بيكتب لجل الخونة
بايع نفسه وابن لذينــا
واللى بيخطب زى الراديو
رغى فى رغى طايح فينا
واللى بيطبع كتاب ويعلم
اى كلام لتاريخنا.. ناسينا
واللى بيبنى ابراج وقصور
بالملايين على وادينــا
واللى بيلهف الوفات الوفات
وعامل فيها شريف وأمينا
واللى بيسرق اعضائنا ويزرع
لجل مايبنى.. مقطع فيــنا
شفت بعينى ومين يسمعنى
بح الصوت والعيب اهو فينا
لو هتطنش ..هايزيد فى فساده
راح يسقينا مُر… وطِينا
لو هاتوافقه او هاتجامل
ضايع حقك شهور وسنينا
زى ماتطلب تغير ونظافة
غيير نفسك يالا ياأخِينا
ربك قال غيير حالك
واترك امرك هو راعينا
هو هايصلح حالى وحالك
وراح ينصرنا ويعدينا
وزى ماغيرك ضحى بنفسه
خليك واعى مين يحمينا
واحد شايل هم بلاده
لبى ندانا فى يونيو وفينا
خاف نتشتت وخاف نتشرد
كشف الخونه من اعادينا
ورفع الرايه وعاد الدفه
بالتنمية والفخر ملينا
زرع الصحرا وفك العقده
ولسه بينى صروح تحمينا
نصبر حبه لجل وطنا
ولازم حتمى الخير هايجينا
ربك قال اللى بيصبر
ليه البشرى اوعى ياخينا
احنا الأوْلَى ببلدنا ياصاحبى
نحمى ربوعها ونحمى وادينا
تبقى ضرورى نور لعنينا
شفت بعينى ماحدش قالى
اوعى تكسل يلا ياخينا

نبذة عن الكاتب

مقالات ذات صله