كلمات/أيمن البكري

كلمات/أيمن البكري

قصيدة {هبه}

هبه
إنتي أجمل حلم حلمت بيه
إنتي أجمل حب عشت فيه
إنتي حلم وإنتي حب وإنتي قلب
ياما إتمنيت إني أتقابل عليه

هبه
أنا عارف إن إسمك مش هبه
بس أنا سميتك هبه
ل إنك وهبتيلي حب
خلي قلبي دق
وخلاني أحس ب إشتياق
مع إن إل بينا
كان يدوب نظرات عيون وإبتسامه
ولما بقا فيه كلام كان سلام
بس أنا حاولت أوصلك إحساسي
فبعتلك رساله
الرساله مالئتش رد
ولقيتك عارضه نفسك ل أي حد
وجاه اليوم إل شفتك فيه عروسه ولابسه طرحه
وراسمه علي وشك إبتسامه
بتدل إن فيه جواكي فرحه
وإتحول حلمي ل كابوس
والفرح إتبدل بخوف
وعدت سنين وعدت حاجات وعدت ظروف
بس أنا بردوا لسه فاكرك
لسه عايشه جوه مني صورتك
لسه فاكر ضحكتك
إل كانت ماليها الكسوف
لسه فاكرك
مع إني عارف إني ب النسبالك ولا أساوي أي شئ
وإني حد مستحيل تفتكريه
مستحيل تجيبي سيرتوا أو تذكريه
معرفش دلوقت إنتي عامله إيه
مش عارف إذا كانت إتبدلت ملامحك
هد فيكي الزمن ولا لا
إتمليتي ب الجروح
بس مهما كان إتغير شكلك
أنا ها أفضل أحبك
ل إني ماحبتش فيكي شكل
أنا عشقت فيكي روح
كان نفسي أروي عودك العطشان
وتطرح علي إيدي سنابلك
وبردوا لما بقيتي لواحد تاني
ما إتمنتشي غير سعادتك
ما إتمنتشي غير إني لو كل كام سنه أقابلك
وأشوفك من بعيد
وبردوا ها أكون سعيد
لو لقيتك راسمه علي شفايفك نفس إبتسامتك

ماهو إل يحب واحده
مستحيل ينساها بواحده غيرها
ومش معني إنها سابتك تلعن سلسبيلها
لو كنت فعلا” بتحبها
صعب ينطق لسانك كلمه تهينها

نفسي بس لما أموت تفتكرني
وتقول ف نفسها داه كان عينوا مني
إحساسي بيه كان غريب
وكل شئ قسمه ونصيب
وكان فيه حاجز ما بينا
ومتذعليش ساعتها
متنذليش عليا دمعه
ومتخليش حد يشوفك
والحزن سايب ف عنيكي لمعه
وقولي داه كان مايستهلش
كتم الحب جواه ومقالش
ومتذعليش ياإم الدفاير
شعرك السلسبيل لساه ف الهواء طاير
داري الجمال وخبئ الغوايش
ماحدش مات عشان حبيبتوا سابتوا
وأديني قدامك أهوه لسه عايش
وبرغم كل السنين إل عدت
لسه بهواكي
بس أنا قررت النهرده إني أمسحك من جوايا
مش رجوله إني أسرح فيكي بخيالي
وإنتي تخصي حد تاني
وأنا متعودتش أبص لحاجه
مش بتاعتي ومش عشاني
ف لازم أنساكي…وهنساكي
ياااااااهبه

نبذة عن الكاتب

مقالات ذات صله