قصيدة {مين حبيبتك}

قصيدة {مين حبيبتك}

كلمات/أيمن البكري

وبيسألوني مين حبيبتك
هي مين
إل لما بتبقي غايب وتيجي سيرتك
بترد غيبتك
هي فين
حبيبتي هي هي
ف كل الدول العربيه
حبيبتي ف
سوريا واليمن وفلسطين ولبنان
حبيبتي ف
مورتانيا ومصر والبحرين وعمان
حبيبتي ف
تونس والجزائر وليبيا والسودان
حبيبتي ف
العراق ومقدشيوا والصومال وأفغانستان
حبيبتي ف كل مكان
سوءوا سمعتها ف مصر
بفن هابط ومالوش أصل
خلوا كل العالم يشوفها
رقاصة إغراء وجنس
وماكفهمش يشهوا صورتها هي وإل جابها
عايزينها كمان تخلع حجابها
وبيسألوني هي مين
حرقوها ف سوريا
ودبحوها ف اليمن
وإغتصبوها ف فلسطين
طيب كنتوا فين وكان فين الوفاء
لما الاءمريكان هتكوا عرضها ف العراق

ويقولولك عواصف
كلامهم المبلول يدوب تعدي عليه شمس النهار
تلاقيه ماسخ وناشف
كانت فين عواصفكم
تبرد نار إم إتقتل إبنها قدام عنيها هطق من جنابها
تنقذ بنت شابه يهودي كلب بيغتصبها
تاخد ب إيد طفل راح إموا وأبوه وبقا واحدوا مرعوب وخايف
ولسه بردوا مذهقوش من الكلام
وبيسألوني هي مين
هي إمي وهي زوجتي وهي بنتي
وهي إختي ف الاءسلام
مهما كانت وف أي مكان
الجرح واحد وبنعاني من نفس ال ألام

مش فاضل مني غير شوية أش
طير ضعيف مكسور الجناح
سهل قوي يتهش
إعتبروني حاجه مالهاش وجود
لا بتتكلم ولا بتتشاف ولا بتتحس
وشفوها بعنيكم وهي مكسوره
وفهموني غصب عني إن سكوتكم رجوله
أنا إل بقيت علي إيديكم يدوب صوره
مفيش ليها أصل
كنت ف بطن إمي جنين
وبعد تسع شهور إتولدت طفل
عدت ست سنين
دخلوني المدرسه
علموني إن الواحد بعدوا إتنين
بس نسيوا يقولولي إن قبل الواحد فيه صفر
علموني ف سنه إولي أ ب
وف سنه تانيه إتعلمت الحساب
وف سنه تالته عرفت يعني إيه كتاب
وف سنه رابعه جالي إكتئاب
عدت سنين وبقيت شاب ف العشرين
وفهمت يعني إيه وطن
ويعني إيه بلد
ويعني إيه بنت تضحك
لما تقع عنيها علي ولد
ويعني إيه لو نطقت
تتهان وتتبهدل وتتجلد
ويعني إيه يبقي ليك ضهر وسند
ويعني إيه زفه بتتنصب
ويعني إيه مسلمه من يهودي بتغتصب

هي أجمل كلمه نطقتها
هي إمي ف فلسطين
هتفضل حته منا
نادت علي إبنها
قالتلوا شيل سلاحك
دافع عن أرضك وعرضك
ولو مت ياهناك ياسعدك
هتخش الجنه
هي إختي ف سوريا
دبحوا أبوها قدام عنيها
بتصرخ ب أعلي صوتها وقلبها بيتحرق
مين كان سمعها
ولا أبوها مع مين كان فرق
هي بنتي ف العراق
طفله لسه حتي ما إتعلمتش تلف الدفاير
رصاصة الغدر قتلتها
كانت قلبي ونور عنيا

نبذة عن الكاتب

مقالات ذات صله