حلم طفل

حلم طفل

بقلم سوزان احمد
شايل شنطته وفيها كتابه وكراسته

رايح فرحان على مدرسته
كله امل يلاقى الحب والعلم 

ساكن بين جدران مدرسته
يلاقى صحبة جميلة

يلعب ويفرح ويتمتع بطفولته
يلاقى مدرسين يعلموه ويفهموه

يخلوا العلم ينور عقله وبصيرته
رايح طاير من الفرحة وكله امل

يلاقى بيته التانى وامهات زى امه تزيده امل
يلاقى فى قلوبهم حنان وحب وعلم فياض 

بفيض حب وعمل
يا عينى قلبه الصغير اتصدم

باللى شافه من اللى كان فاكرهم امهاته
قسوة وخوف ورعب

شاف بعيونه اللى محدش شافه
اتبدلت فرحته ونزلت دمعته ورمى شنطته
وكره يروح مدرسته
حسن انه وحيد حتى وهو وسط صحبته
رغم انه شاطر وكان الاول على مدرسته
بدل ما تاخدوا بايد ولادنا وتطلعوا بيهم لفوق

ضيعتوهم وقضيتم عليهم
مش ليكم زيهم ؟

تعبتوا فيهم وغاليين عليكم ؟
ترضوا يتعمل فيهم زى ما بيتعمل فى ولادنا ؟

حرام عليكم والله حرام عليكم

نبذة عن الكاتب

مقالات ذات صله