جنود مصريين فى طريقهم إلى الدفاع عن أرض سيناء

جنود مصريين فى طريقهم إلى الدفاع عن أرض سيناء
كتب / هانى توفيق
عبارات كثيره محزنه عندما نسمع عن شهدائنا فى سينا تفاصيل وفاتهم عندما نقترب من أهاليهم كل بيت فى كل محافظه خرج منها جندى وإثنين وعارفين يعنى إيه الجيش بالأوامرالعسكريه وضبط النفس وقت اللزوم والتضحيه بأرواحهم علشان بلدهم طبعا كلنا عارفين اللى بيحصل فى سينا من إغتيالات لجماعات تكفيريه تطلق على نفسها ولاية سينا الذين كل هدفهم تدمير الجيش المصرى وطبعا بمساعدات من الخارج وأيضا بمساعدة بعض النفوس الضعيفه من أهل سينا
الحكايه أناعيشتها ويعلم الله وحده إنى أكترالناس بعيش مأساة الجنود ومايحدث فى سينا وكان مطلوب منى بألا أكتب عن مايحدث من سينا حرصا على حياتى من الجماعات التكفيريه بس بجدأنامش خايف لأنى شوفت بنفسى جنود مصريين كل همهم فالحياه الدفاع عن الوطن والبعض منهم يريدون إنهاء مدة تجنيدهم لأن عندهم أولادهم
الحكايه مش جديده كل الجنود الذين داخل سيناء حياتهم متعرضه للخطر فى أى لحظه وطبعا الإعلام المصرى مابيجيبش الحقيقه وصدقونى أنا إتعلمت فى حياتى حاجه واحده لوعلى رقبتى إنى أنشرالحقائق
وكان نفسى أهالى سيناء جميعا يتعاونوا مع الجيش على يطهروا البلد من هؤلاء الجماعات التكفيريه
والله ياجماعه الجنود اللى فى سيناء دول إخواتى وإخواتك تخيل بس إن حدفجرأخوك بعبوه ناسفه أوبطلقة الغدر إحساسك وقتها هيبقى إيه
تفتكرالجندى اللى واقف طول النهار والليل يحرس الحدود والمنشأة علشان إيه وعلشان مين أكيدمش ليه أسهم فالبلد وقاعد بيحرسها كل بيت فى مصر كان فيه جندى يعنى الجنود دى مش أعداءنا الجنود دى مننا
والله أنا شوفت جنود فى أكمنه فى العريش بعدالإنفجارات حالتهم تصعب على الكافر
تخيلوا بقى إن كل عسكرى من دول وقت أجازته بيودع أهله ويسيبلهم أمانه يقولوها لأولاده من بعده
والله إحساس مرير للذى يشعر بغلاوة مصر وحب مصر
وأنامش بقول إن الحياه حلوه فالبلد بالعكس مصرفيها فساد وتقصيرزفيها سرقه كتيره بس صدقونى فيه دول كتيره قاعدين بيتفرجوا منتظرين وقوع مصر علشان يعرفوا يدخلوها
فى دول كتيره مستفيده بمايحدث فى مصر من عدم إستقرار
الرساله دى أنا كتبتها وأنا حزين عما يحدث فى مصر وبالتحديد فى سيناء لأنى مصرى وبحب بلدى
لأنى مابحبش الدم بكل أشكاله
لأنى نفسى أشوف بلدى أحسن بلد فالعالم
كفاااااايا دم جنووووودنا على الحدود بتحمينى وبتحميك
 
 
 

نبذة عن الكاتب

مقالات ذات صله