آخر الأخبار

في بيتك احلالك للشاعر المبدع .علي الحامدي

في بيتك احلالك للشاعر المبدع .علي الحامدي

في بيتك احلالك

حلو الربيع وفيه لب وتسالي

وقهوة زيادة ومزاج عالي

والله في سماه العالي
لا عمل قهوة وجيب لب وسوداني
واخلع الكمامة واشوف حالي
واتنفس هوا نضيف واغني موالي
ومش هاكل زنحة ولا فسيخ
ولا هنزل الشارع ماشي
ولا هركب عربية ولا اتوبيس
لكن هقطف وردة حلوة
من القصرية
واشم من البلكونة هوا نضيف
واشوف هدوء الشارع وجماله
واسمع صوت العصافير
تطير وترجع وتطير تاني
وانا واقف في البلكونة مكاني
بتشمس وبستمتع وبسمع اغاني
وقهوتي مع اللب تحلالي
شم النسيم مش باللمة والزحمة
ولا رنجة وفسيخ وبصل اخضر
ولا بالخروج في الشارع والقعدة
القعدة في بيتك دلوقتي افضل
في وسط اهلك آمن من العدوي
وبعيد كتييير عن المصدر
وبالتليفون تقدر تعيد وتهني
اهلك وكل اصحابك
ولو حبيت كمان في وسط عيالك
ارقص وكل واشرب والعب وغني
وقول الدنيا ربيع الدنيا ربيع
وقفل علي كل المواضيع
وبكدا تسلم وربيع عمرك يطول
ونهارك سعيد و ربيع زاهر
بكل سعادة وخير قادم
وسعادة لقلبك وراحة لبالك
وعافيه لاهلك وعيالك
وتعيش سليم وقادر
تخلي بالك علي حالك.

علي الحامدي

نبذة عن الكاتب

مقالات ذات صله