آخر الأخبار

(لما كنا صغيريين) شاعرة الساحل

(لما كنا صغيريين) شاعرة الساحل

بقلم . شاعرة الساحل
كان عطر الورد فينا
بيهادينا
كنا دار……كنا حنان
كنا طير بيطير بعيد
واما يتعب يرسي لينا
وكأنه كان بيطير علينا
كنا ملناش اي ماضي
كان حاضرنا بينادينا

كنا وردة اتفتحت
حلوة ف إيدينا
كنا بسمة اشرقت
باينةاهي جوة عينينا
كنا شمعه منورة
جوة الظلام

كنا ليلة العيد ننام
وف حضننا فستان
وتوكة لشعرنا
وكان كمان
فيه فص لولي بيضوي
لمعانه بينور قلوبنا
وحياتنا وعمرنا

كات بسيطة الدنيا ديه
كنا نستنى العدية
ونقف بنبوس ايد أبونا وأمنا
بعد مانفتح عنينا ف صبحنا

من غير ماحد يعلمنا الأدب
كان الادب هو اللي تقريبا
بيتعلم مننا
كنا بنط الحبل ونلعب بالحجارة
ومتلقيش زي دلوقتي
طفل ماسك يوم سيجارة

كنا مابنعرف ننام إلا واحناتعبانين
مش م الألم او م التعب
لأ!!!!!!!!
من الجري
والشوق اللي فينا
لبكرة يجي بسرعه لينا
يجيبلنا الفرحة
ونكمل احنا لعبنا.

 

نبذة عن الكاتب

مقالات ذات صله