آخر الأخبار

الخوف

الخوف

بقلم – نعمة احمد

الخوف من اللي جي و المستقبل و كلام الناس و الخوف ع اللي بتحبهم و الخوف من ماضي بيوجع و حاضر ملوش ملامح خلانا كلنا معندناش الفرحة الكاملة في اي حاجة بنعملها او بتحصلنا..
العيد مبقاش عيد و الخروجة مع الصحاب بقت وقت و بيعدي و قعدة القهوة بقت تضيع وقت و الحب و الاربتاط بقي وسيلة ضغط مش فرحة.. الحياه بقت تقيلة و كبيسة و بنختصرها في يوم و يعدي.. بقينا بنعد الشهور و السنين اللي من عمرنا و نقول دة شهر بيعدي بسرعة و دة شهر بطئ و كلة من حسابات عمرك اللي بيجري.. مش عارفين نسرق حاجة حلوة عشان كل اللي حوالينا و اولهم نفسنا بقت وسيلة ضغط علي اعصابنا..
نص الرجالة خايف يرتبط عشان ميضيعش فرصة حاجة احسن و نص البنات خايفة تطلع من سجن اهلها لسجن جوزها.. بقينا بنحارب اي حاجة حلوة و اي حاجة جديدة و اي حاجة مختلفة و اي شخص يمشي عكس التيار..
الروتين غلفنا و بقي محاوطنا و بقي الحلو ضحكة في صورة او علي كوميك ع الفيس بوك.. لمة العيلة مبقتش لمه بقت تدوير جواك انت مين و بتفكر ازاي و مين في حياتك و عايز تعيش ازاي و نصايح كتير لمجرد اني بنصحك و تعمل بكلامي من غير ما تتدبره مع ان ربنا قال ‘ لعلكم تتفكرون ‘..
محدش قريب من ربنا قرب كامل و كلنا بنغلط و نبص حوالينا و نقول كل الناس بتغلط و انا غلطي قليل مش كبير و نتمادي فيه.. كلنا بنكدب و كدبة تجر ١٠٠٠ كدبة عشان تداريها..
حياتنا مظاهر و لبس و اشكال عشان نعجب اللي حوالينا و بنبص للي في ايد غيرنا.. دي بتبص لخطيب صاحبتها و دة بيبص للي معاه فلوس اكتر منه و اللي حياته مترتبه عنه..
حب الناس بقي اكتر حاجة الناس بتحسد بعض عليها و الامان مبقاش موجود و كله مخون كلة و مبقاش حد يعرف يفرح حد الا و عايز قصاد الفرحة دي مقابل..

كل فرحة مش كاملة و كل حزن مش دايم

نبذة عن الكاتب

مقالات ذات صله